影片
電話號碼
+853 2856 5573
開飯介紹
此店以老字號煲仔飯作招徠!!
繼續閱讀
以上資料只供參考, 請與餐廳確認詳情
話說上星期六試咗新馬路附近某「(方向)記」嘅煲仔飯之後，我同朋友都極之失望兼好想再尋覓更好味嘅煲仔飯，於是就嚟咗順記一探究竟。今次weekday放工時間大約7點半去到紅窗門街，嚟到門口，我望一望鋪面，再問我朋友「就係呢間啊？」因為望入去係唔似食店㗎，得幾張枱無咩飲食架部feel..兼我以為好似其他食評咁又排隊等位又好多人咁。坐底之後望下餐牌啦：價錢同上次方向記差唔多，今次就叫咗滑雞臘腸飯同牛肉蛋飯，等咗大概25-30分鐘，由於經歷上次一役之後，今次等緊嗰陣都少少緊張添終於等到上枱嗰個moment，未揭蓋已經聞到好正嘅飯餸香味，真係未食已經有少少興奮，同埋都有啲肚餓嘅關係，第一啖飯入口已經覺得幾好味，件雞嘅肉質都算新鮮，臘味味道尚可，牛肉蛋飯整體比滑雞嗰個好味，成個煲仔飯係夠火氣，有飯蕉食，水準唔錯但就略嫌阿姨姨猛咁sell野，又問我地叫唔叫多個飯問咗幾次，中間食食下又問要唔要菜，叫完菜陣間又問飲唔飲湯，而且碟菜係好細碟，算啦埋單$130，旅遊區嚟講算係咁。至於有無下次就睇緣份啦...
繼續閱讀
屋企附近有一間叫合興泰的煲仔飯餐廳，據聞係超級出名，另外仲有一間坤記，每日六點大排長龍，座無虛席。可惜我呢兩間都冇去過，因為如果我響屋企附近，我都會煮飯或者回家和家人晚餐，真係冇咩機會會食到附近嘅餐廳。是日嚟到澳門有任務在身，任務失敗之後，去咗食南洋再食埋個巨型疏乎里，忽發其想不如去新馬路食翅呀？我哋就用龜速泥到，又唔知點解我哋比呢一個路邊煲仔飯所吸引。再飽我哋都會繼續食落去！其實呢條街最主要都係食翅，巧遇今日天氣好凍，煲仔飯癮忽然走咗出嚟！再飽我哋又再挑戰自己！呢種炭火響街邊傳來嘅煲仔飯味道實在太吸引。坐好之後，經過一輪爭論，我鍾意食潤腸，又唔鍾意食臘腸，朋友鍾意食臘腸，又唔鍾意食潤腸，搞嚟搞去最後就點左個潤腸臘腸排骨飯。價錢係60 左右。幸運係當時我哋係第一台晚市客人，所以等左好快手已經有，後面嘅客人就要等得好耐了。不過呢啲手工野等來啲又有咩所謂啊！熱辣辣嘅煲仔飯，飯焦唔算太多，整體都好香，臘腸同潤腸各一條，潤腸同臘腸嘅味道滲落去飯内，令到煩帶點油香不錯不錯。有少少失望嘅係豉油嘅味道比較淡，叼不出飯嘅香味。其次係排骨用黑椒制，完全蓋過了排骨本身嘅味道。而且有少少莓的感覺。相比平時食嘅時照蒜蓉辣椒製嘅排骨失色了不少。但食一種風味亦都好不錯啦！呢啲响街邊北風琳琳吹呀吹嘅時間，品嘗着熱辣辣嘅煲仔飯，食個風格都已經值回票價！而響我身邊嘅呢一位絕色美女，本身好少會响街邊食嘢。已經係一幅圖畫。
繼續閱讀
入去點咗雞飯、牛肉飯同埋臘味飯。等咗50分鐘先至有得食，雞飯唔錯牛肉飯個底焦黑，食得一半！臘味飯D臘咪少得很，！唯有叫咗碗雞脚花生湯補充，好彩都唔錯，有D老火湯味道
繼續閱讀
一間係福隆新街o既煲仔飯,食o既客人大部份都係澳門人,我亦都係澳門朋友介紹去的,都提左我要等先有得食咁去到一入去就有位坐,我心想可能時間仲早啦,未夠7點,入去屙打左個滑雞飯同排骨飯。等呀等身邊桌都有飯到了,我們的還未有,更有些客人原來屙打了之後,隔一段時間回來再等吃!!大約30分鐘過後我已經餓得很.........問問收銀的女士,我d 飯幾時有,佢答一句未有咁快就去忙了大約45分鐘的時間,我再吹一次,問多久後才會有,她沒有答我就走了,當時我怒火中消,當場爆粗,你話我聽等多15分鐘又好,5分鐘又好,都答下我呀,唔洗咁cool呀我即刻走人,收銀即刻問我為什麼要走,我說飯沒好我就走了,她就說快要好了。我只好跟她說:你留去餵狗不用留我了雖然我知道澳門鋪頭好多都唔休做,又知佢多生意,但都唔洗咁對一個專程黎人呀..........我今次真係忍無可忍low
繼續閱讀