Video
2-min walk from Exit H, Tsim Sha Tsui / East Tsim Sha Tsui MTR Station
continue reading
Opening Hours
Today
10:00 - 20:30
Mon - Sun
10:00 - 20:30
Public Holiday
10:00 - 20:30
Public Holiday Eve
10:00 - 20:30
Above information is for reference only. Please check details with the restaurant.
Fafafoodblog為食花太郎 一喜車仔麵 🍴葱油孖寶豬雞扒飯 68 蚊🐖🐥首先葱油炒得好香 豬扒好軟林出面帶d香脆 雞扒肉質彈牙 夠厚肉， d飯配埋辣菜莆同秘得製辣油 勁惹味🍴生菜魚肉30 蚊🐟🥬魚肉即日打 魚肉切成長條 魚味夠好彈牙 個湯咸度適中 魚味都好夠🍴生炸親手包韭菜餃5 隻30 蚊🥟韭菜餃包得好靚 出面炸得香脆。入面保留應有既水份 韭菜新鮮 🍴豪華九寶大雜麵 69蚊 牛腩 瀨尿牛筋丸🐂 瑞士汁雞翼 魷魚丸 豬紅豬皮 蘿蔔紅腸時菜 米線 一喜黃金雞湯🐥個雞湯超香濃雞味好夠 米線好爽口 吸哂d醬汁 好正🍴鎮店上湯鴛鴦餃35 蚊菜肉餃同韭菜餃 包得好爽口， 而且好薄皮 入面既菜肉新鮮 正🌿🍴上湯瀨尿牛筋丸30 蚊牛筋丸牛味好濃而且一咬d牛肉汁爆出黎 好爽口 而且湯底亦充滿牛味 正🍴馬交魚豬肉丸一咬開入面熱辣辣 分層 一邊有肥美豬肉粒 一層有馬交魚肉 好有層次感 🍴單骨雞翼🐥脆口單骨雞翼 點d. 秘製咖哩醬都好正🍴炸魚片頭🐟好脆口既魚片頭 點d甜酸醬都好好食#雞翼 #豬扒 #車仔麵 #牛丸 #牛筋 #馬交魚 #雞翼 #水餃 #韭菜餃 #牛腩 #雞翼尖Score 平均分< 7.9/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#一喜車仔麵九龍尖沙咀彌敦道36 至44 號重慶大廈地庫慶方s19 至21鋪~~~~~~~~~#fafafoodblog #為食花太郎 #fafafoodblog尖沙咀====================
continue reading
🔹️朋友仔係車仔麵控🍜 經常發掘美味車仔麵, 今次她話帶我去涼住冷氣、坐得舒舒服服的位於尖沙咀重慶大廈 “一喜車仔麵” 試吓🥢 店舖門外放置傳統車仔麵檔 ~ 像真度高很吸引呀😍 店內地方寬敞、坐位舒適👍主理人對食材十分講究, 嚴選優質材料😋 師傅用心烹調👨🏻🍳 服務貼心滿意👨💼👩💼 價錢親民💰🔸️招牌龍蝦麵🦞🍜以半隻大龍蝦熱騰騰香噴噴送上😍 肉質鮮甜、彈牙, 還可以很優雅哋用刀义慢慢嘆🦞🍴配自選清湯和淮山麵, 清清哋健康兼有益🤗🔸️尊貴十寶麵🫶🍜以雞尖、豬紅、蘿蔔、特級瀨尿牛筋丸、魷魚丸、豬皮、牛腩、雞翼、紅腸、生菜十種食材, 餸菜優質新鮮、絕不油膩, 食完唔口渴👍配自選腩汁和米線, 米線幼滑、湯底香濃惹味😋🔸️咖喱四寶🍲四寶以魚旦、魷魚、牛腩、牛柏葉🧆以香濃咖喱汁烹調, 味道不會太辣, 十分入味👍🔸️油菜🥬椒絲腐乳通菜 ~ 通菜十分鮮嫩爽口, 以微辣椒絲腐乳烹調好開胃👍腩汁通菜 ~ 唔想食辣可以試試充滿牛香的腩汁Yummy🤤🔸️自選淨餸😋日式蟹柳 ~ 以D級蟹柳啖啖鮮甜😋汕尾小米粿 ~ 是豬肉粉粿, 皮薄餡靚👍汕尾馬鮫豬肉丸 ~ 以手打汕尾豬肉丸, 味道鮮香爆汁🤤芥末貢丸 ~ 以芥末餡料、味道特別😊魚腐 ~ 色澤金黃、口感軟綿😋紫菜 ~ 以頭水紫菜、味道甘香🤤酸齋 ~ 酸酸甜甜, 開胃之選👍配秘製黃金雞湯作湯底, 味道鮮香😋🔸️飲品點了自家製石斛竹䉀芧根水🌵和自家製銀花雞骨草🥤清熱解渴👍臨走時忍唔住買了兩支黑豆漿回家慢慢嘆🧉😄
continue reading
位於重慶大廈旁邊地庫「Health 慶方」，之前都嚟過幾次搵食，原來最近開咗一間車仔麵店，呢日就嚟試試。餐廳門口有一個懷舊車仔麵檔，入面雖然裝住假食物，但像真度極高，遠處已經比佢吸引到！餐廳裝修充滿大牌檔風情，入面地方好大好寬敞，座位闊落舒服。望望餐牌，食物種類選擇多，除咗車仔麵之外仲有飯類，亦有好多特色小食。老闆娘好nice，親自過嚟介紹唔同食物的特色，原來有好多都係廚師精心調配的。❇️滷水豬大腸牛腩飯($55)▶️牛腩夠腍，而且入味，豬大腸冇任何臊味而且爽口，個汁甜甜地，撈飯食一流！😋❇️自選車仔麵▶️揀咗粗麵、豬皮、陳皮魚蛋、汕尾馬鮫豬肉丸、胡椒豬肚丸、特級瀨屎牛丸(腩汁) ($72)汕尾馬鮫豬肉丸︰呢款係老闆娘推薦，以手打馬鮫魚同豬肉製成，非常彈牙爽口，果然冇介紹錯！豬皮煮得夠爽，好怕有D舖頭煮到好腍，但呢度唔會胡椒豬肚丸及特級瀨屎牛丸都大大粒，同樣好彈牙，但反而瀨屎牛丸未至於好爆汁，不過肉味都幾濃❇️香辣單骨雞中翼($28)▶️雞翼外皮炸得金黃香脆，入面肉質保持到嫩滑❇️上湯鴛鴦餃($35)▶️本來係有韭菜餃及菜肉餃，可惜韭菜餃剛好賣哂，只得菜肉餃。外皮唔會太厚，一口一啖size剛剛好❇️咖喱四寶(魚蛋、魷魚、牛腩、牛柏葉) ($59)▶️咖喱汁係廚師特別秘製，味道好香濃，帶少少辣夠惹味之餘亦唔會覺得加咗味精，同出面食開的味道果然有唔同！魚蛋大大粒，同樣非常彈牙魚蛋，魷魚同牛柏葉口感都好爽脆同入味牛腩同樣炆得夠腍，配合咖喱汁一齊食，成個組合更加無得輸！❇️獨立淨餸▶️日式蟹柳、芥末貢丸、汕尾馬鮫豬肉丸、魚肉，配秘製黃金雞湯(+5) ($53)呢幾款同樣係老闆娘推薦，蟹柳係舖頭特別揀過，唔係一般買到嗰D，口感的確比平時食開的較為厚實。魚肉帶有魚香，芥末貢丸咬落去有少少wasabi味，刺激一下味蕾。重點係個秘製黃金雞湯，一入口濃濃的咸香雞味，而且帶點奶香，口感順滑。好奇問老闆娘點解個顏色會鮮黃，原來加咗南瓜😍，唔怪得色香味俱全，絕對值得加錢轉呢個湯底，實在好好味！❇️飲品：自家製石斛竹蔗茅根水($10)▶️清甜解渴，自家製夠健康！總結：幾乎所有食物都好好食，睇得出用心製作用心經營，而且大大碗又足料，價錢甚至比起新界好多地方都仲平，而且服務態度殷勤，好surprise食到咁高質的車仔麵，絕對值得一去再去！
continue reading
一喜車仔麵 (尖沙咀)尖沙咀彌敦道36-44號重慶大廈heath慶方地庫S19-21號舖。車仔麵係我心目中係香港十大特色美食之一，所以我成日都會周圍試下唔周同嘅車仔麵。呢間開左係重慶隔離個地下商場，有唔少遊客都會係呢度搵食。餐牌上嘅食物都係set好左方便遊客去order，我地就梗係用QR code逐樣逐樣餸咁揀啦，呢樣先係食車仔麵嘅精髓！。呢度嘅食材都幾特別，搞到我樣樣都想試，有汕尾馬鮫豬肉丸，（$12）、陳皮魚蛋（$12）、特級瀨尿牛筋丸（$12）、有魷魚的魷魚丸（$12）、汕尾小米粿（$12）、魚腐（$12）、芥末貢丸（$12）。瀨尿牛筋丸係牆上貼左張紙特別提大家要小心d咬，實測一咬果然係爆曬汁～ 牛筋丸好彈牙又重口味，呢樣真係必試。汕尾小米粿又係好特別，外層煙靭，入面係豬肉。另外仲試左佢個紫菜，用左頭水紫菜，少左陣怪味，口感比一般嘅紫菜嫩。秘製黃金雞湯（+$5）有驚喜，濃雞湯飲落仲有少少奶香，真係可以當湯飲。雞骨草都係自家製，我鐘意佢無咩糖比較健康
continue reading
💫 豪華九真大雜麵，$59 💫好豪氣！一大堆食材匯聚於一碗中，包括牛腩、特級瀨尿牛筋丸、瑞士汁雞翼、魷魚、魷魚丸、豬紅、豬皮、蘿蔔、紅腸和時菜。一次滿足我多個願望，而且食材新鮮，麵的硬度煮得剛剛好。食車仔麵好似食到buffet咁，正！💫 黃金雞湯底，濃郁雞香 💫有兩個面我特地選擇了黃金雞湯底，沒有讓我失望！湯頭濃郁的雞香氣彌漫，色澤金黃誘人，喝下去濃郁雞味！💫 翠綠新鮮菜心 💫我們還點了一碟翠綠新鮮的菜心，色澤鮮豔，口感嫩脆。💫 彈牙魚蛋，咖喱風味濃郁 💫老闆非常友善，還給了小朋友一碗魚蛋。我們發現魚蛋彈牙有嚼勁，入口即化。離開時，我們還點了一碗咖喱魚蛋帶走，價格超值，原來外賣價格只有$18，裡面有12粒魚蛋。在店內用餐的價格是$28一碗，魚蛋的份量十分多多多，超大粒，咖喱汁香濃無比。💫 香脆可口的單骨雞翼 💫我們還品嚐了店家的小食單骨雞翼，外皮香脆，肉質鮮嫩多汁，炸得完全不油膩，絕對是下酒的絕佳選擇！💫 入味咬勁十足的牛筋 💫老闆還給我們試吃了他們正在研發的牛筋，這道菜還未正式上市。牛筋咬勁十足，入味豐富。💫 自家製辣椒醬，無論配搭都絕佳 💫💫 自家製豆漿和花茶我們還嚐了店家自家製的黑豆漿和茉莉花茶。豆漿的口感濃郁香滑，花茶清新怡人，為整餐用餐體驗增添了一絲清涼的享受。#一喜車仔麵 #豪華大雜麵 #美食驚艷 #湯底濃郁 #魚蛋彈牙 #單骨雞翼 #自家製豆漿 #尖沙咀美食 #食評 #美食探險 #foodie #instafoodie #foodlover #foodgasm #delicious #foodporn #foodstagram #foodphotography #foodblog #foodadventure #foodjourney #foodexplorer #foodexperience #foodreview #foodiegram #foodinspiration #foodblogger
continue reading
You may be interested in