Video
7-min walk from Exit D, Jordan MTR Station
continue reading
Telephone
65133130
Opening Hours
Today
14:00 - 01:30
Mon - Sun
14:00 - 01:30
Above information is for reference only. Please check details with the restaurant.
晌尖沙咀「天文台道」完咗聚會，算喺時間尚上就不如食個糖水先打道回府，上網摷一摷附近就有間「糖宮」。雖然未幫襯過，但上網睇一睇風平不俗，同埋見佢勝在款式夠多元化，又有榴槤系嘅甜品，啱晒小弟喎。餐廳樓高兩層，從門面睇，以為是以白色為主調，但走入餐廳，一室水泥地、水泥柱，有少少工業風；而廚房設晌地下入門口位，所以，下層嘅用餐區座位唔太多，有幾張卡位，亦有少少對住街嘅吧枱位。然而上到二樓地方就大好多，有種別有洞天嘅感覺，加埋牆上少少霓虹燈裝置、動物掛飾，成為少少打卡位。部分櫈面又有啲幽默語句，都幾搞嘢。不過要數到較為亮點嘅喺有貓店長駐守，其實內裏有一處喺佢哋嘅地盤，不過，貓店長就晌餐廳週圍走。雖然小弟本身對貓無特別喜好，不過，睇見佢懶洋洋週圍行，啲毛色又好靚，隻眼又精靈，得意得嚟幾惹人喜愛。翻一翻餐牌，選擇真多，由奶凍布甸系列、椰皇系列、精選系列、精選系列、刨冰系列、烘焙系列、窩夫系列、芋圓系列、中式糖水系列……等等，仲有啲特飲系列，全部都圖文並茂，夠晒清楚，用二維碼落單，版面設計易用，而且，兼有其他微細選項，具彈性。綠林（加湯圓）$55餐牌就列明喺以抹茶奶凍、紅豆、小丸子、抹茶雪糕組合成比較和風嘅甜品，再倒入煉奶，晌雪糕方面亦可以轉款，老友就轉了雲呢嗱口味。佢嘅食後感喺奶凍好滑身，又夠重抹茶茶香味，紅豆清甜又綿，小丸子煙韌有口感，雲呢嗱雪糕亦好軟滑富奶香。椰皇燉蛋白（加湯圓）$70老婆就喜歡燉蛋白，貪佢清甜夠滋潤，加埋椰皇就更加正啦！我都有試少少，啲蛋白燉得非常嫩滑，口感輕盈，一入口就滑落喉嚨咁，仲帶有少少椰香味，食起嚟味道就更香。食到近尾，當然唔可以錯過啲椰皇肉啦，因為燉到軟透晒，輕易就刮到出嚟，大片大片咁放入口，清甜軟熟，食得夠爽。另加咗啲芝麻湯圓，外皮煙糯唔黏口，芝麻餡好香濃。邪榴圓 $60小弟一心想試啲榴槤甜品，所以，就相中呢一款，因為有榴槤果肉，又有榴槤雪糕，仲加埋西米、三色芋圓，全部都喺小弟嘅心水嘢，真喺無理由唔揀佢。啲榴槤果肉夠晒熟，榴槤味濃，好軟綿綿，正呀喂；而榴槤雪糕亦唔錯喎，同樣好有榴槤香味，口感軟滑；三色芋圓煮得啱啱好，煙韌有咬口，帶有榴槤香味嘅汁底混有唔少西米，更加好食。地方大，又撞正未喺食糖水嘅高峰時段，自然好坐，感覺更輕鬆。其實，食碗糖水啫，唔使咩攻略嘅，隨心就可以啦！
continue reading
在尖沙咀想找個地方小休吃點東西，甜品店會是一個不錯的選擇。糖宮甜品專門店給客人很 Chill 地享受甜品和休息的地方。除了多款特色甜品，這裡還有中式糖水，都是以自家製的形式製作。由下午2點開始營業到凌晨1點半，想來吃夜宵也沒問題。另外下午2點到晚上8點都屬於下午茶時段，會有 Special Combo Offer。椰青水 + 椰皇燉蛋白 (HKD 78) 便是其中一款。清甜的椰青水冷藏了後更解渴，推薦大家喝這個，當然也有其他飲品選擇。燉蛋白的面層有香脆焦糖，蛋白很細滑、滋潤又好味。榴槤拿破崙 (HKD 64) 將兩件拿破崙疊高，一共會有四件的拿破崙。帶牛油香的拿破崙十分鬆脆，再配上甜甜地的榴槤肉，自己一個吃掉一件都不覺得膩呢。芋圓腐竹雞蛋 (HKD 50) +HKD 10 配花生、芝麻湯丸。腐竹不會煮到完全溶掉。口感滑溜能嚐到豆味，甜度也是剛剛好。芋圓煙韌彈牙，加配的湯丸，芝麻味會較香一點。
continue reading
我最喜歡💕食的一間西式甜品店，其實好像只有這間最合我心水 ：尖沙咀的糖宮！仲可以探下貓咪🐱🐱🧡🧡尖沙咀地鋪連上層一樓共兩層，我平時都有過來食甜點🍮，環境超舒服😌今次在一樓坐下來慢慢品嘗甜點糖水。🍧椰皇燉蛋白 加湯圓 新鮮皇牌推介最愛的「椰皇燉蛋白 」， 入口奶味香濃加蛋白的嫩口滋潤，配上芝麻花生湯圓熱食好好吃🤤榴蓮拿破崙特脆鬆軟可口的酥皮🥐配上自家製吉士醬，上面滿滿d24 榴蓮，榴蓮控的我欲罷不能🧡西瓜汁🍉天氣熱果汁🍹類都好受歡迎，呢款西瓜汁是完全由西瓜打出不加糖醬，原汁原味更加解喝！🍉
continue reading
記得上兩個禮拜咁啱同班homie去尖沙咀小聚，咁食完野既然大家都唔飲酒😂咁當然甜品就係最好選擇啦下話，咁啱新天地對面有間（甜品專門店）老實講我哋冇睇menu 就入咗去，第一個感覺係D音樂好正好似去咗bar度咁😂😂我哋三個人去食，咁頭先食飯都好飽下咁，就叫左兩個甜品兩個諗住大家share咁，都叫左百幾蚊咁啦係真係少貴，都算la。我就叫咗個菠多乜嘢冰，賣相唔差的但係問題在於個菠蘿已經開始發黑完全唔掂…同事叫左個心太軟其實味道就不差😌但係問題在個心太軟已經穿左我見個員工好似想收左佢咁la🥹但係見到有個唔知係咪佢上司既人就講左佢兩句，然後我只係見到有一個放左無敵多糖霜既物體…. 咁當然佢冇換係加左料，咁都算la…後來走之前諗住俾個機會佢叫左個外賣就係法式焦糖燉蛋同芒果布甸la🧐我住好近啫咁10分鐘左右到屋企la,打開個外賣見到外賣盒有水紋而且D芒果肉又全部發黑⋯⋯我老婆馬上提出掉咗佢啦雖然我都知要 就唔講咁多la只可以表示極度失望同噁心🤢
continue reading
🚇交通：佐敦站 D 出口，步行約7分鐘，在LAB EAT Restaurant & Bar對面。🏠環境：樓高兩層，上層有兩隻英國灰色的短毛貓，很可愛但有點怕人。上層佈局呈L字形，有兩邊吧台的窗都貼上了海賊王的圖紙，樓梯的牆身裝飾了霓虹燈，而地面一層有吧枱和卡座，牆身貼上了食鬼遊戲圖紙，空間不大。🤵🏻服務：QR Code下單，不收取加一。🍨糖水：🥭芒滋枝 $50這道味道較清，甜度低，有芒果肉、西米、小丸子和芒果布丁，整體配料豐富，不過份量不多。🥥榴槤椰椰 $70 + 芋圓 $10小小的椰皇配一球榴連雪糕和三色椰汁芋圓，椰皇面層堆滿了小丸子，內有榴槤肉、西米和燉蛋，每一口都嚐榴連肉🤭，味道很濃郁，雖然份量不多，但其實是挺飽肚😆。🍫朱古力心太軟伴雪糕 $62自選兩款雪糕：芒果和曲奇，加一杯的心太軟，挺熱辣辣的，自行倒出再切，朱古力醬流心效果好療癒 ，甜度適中🫶🏼，朱古力味道濃郁而不苦澀，再配合雪糕就有冰火交溶感覺。
continue reading