Video
Telephone
28193088
Opening Hours
Today
06:30 - 22:00
Mon - Sun
06:30 - 22:00
Above information is for reference only. Please check details with the restaurant.
Recommended Dishes
是日在東鐵綫工作，於是收工後約咗住喺粉嶺的細妹食飯，兩姊妹好耐都冇撐枱腳啦，今次我就吓細妹等我入去粉嶺搵佢啦🫶🏻我地揀左一間齋睇個名「定食」，以為係食日本菜，點知去到原來係一間好似茶餐廳，但係有泰國菜又有馬來西亞菜又有日本菜，甚至乎有埋越南菜的特色鋪😂非常意想不到😄😄認真唔講笑，呢度啲選擇款式多到眼花撩亂了😵💫，對於我哋兩個患有選擇困難症😂都揀左起碼15分鐘先成功落單‼️兩姊妹共叫左兩份定食、一份拼盤、一份生菜包及兩杯飲品，原本只覺得係普通茶餐廳水平，但係最終發現係一間超乎預期、充滿驚喜的泰國餐廳💖💖💗💗🦐檳城花膠海鮮湯金邊粉定食🇲🇾〰️蝦湯陣陣鮮香、蝦味超濃、湯頭卻好清甜，好好飲啊!!!花膠爽口、海鮮新鮮好食，若配蝦一定會更完美😍🔺🔺定食配3️⃣款小食〰️魚露灼菜：灼菜魚露味重，重口味咗；〰️和風蟹籽沙律：正常發揮且青瓜夠凍多醬〰️單骨雞翼：香脆可口追加小食：班蘭奶凍是好味的，不過比綠色特飲搶風頭🔸飲品轉特飲+$10〰️凍美祿朱古力脆脆：濃啲會更好飲🐮汁燒牛舌飯定食（不辣）🇯🇵〰️有成五塊厚切牛舌😍，而且好腍好好食😚暗裏藏蛋，有驚喜❣️伴菜係唔辣既木瓜沙律，大愛吖！🔺🔺定食配3️⃣款小食〰️醬油冷茄子🍆 ：凍冰冰入晒味，正👍🏻〰️泰國炸蝦餅 ：圓碌碌、細細件，炸得唔錯😌〰️冬陰功湯：細妹話食泰菜，當然要試埋冬陰公，酸酸辣辣（偏辣）🔥👅追加小食：泰茶奶凍，茶味重咗啲啲🔸飲品轉特飲+$10〰️地道班蘭椰特飲：OMG，超驚喜！味道好似椰汁糕味，越飲越好味💗💗 （五星推薦💛）🇹🇭地道唔係炒生菜包：平時啲生菜包肉碎係炒既，但呢度係健康版，味道足夠、好味，冰鎮生菜保持凍冰冰💚絕對可作減脂料理🧡食再多都唔怕肥😆🐽燒豬頸肉拼盤：豬頸肉超好食😋三款串燒都唔錯 ，份量十足！
continue reading
今日朋友帶我嚟到粉嶺呢間泰國餐廳 滿屋定食 估唔到有驚喜🤩 入去坐低睇睇餐牌 除咗泰國菜之外 仲有好多唔同國家嘅菜式 超多選擇 諗咗都一段時間終於揀好食咩🤣諗好就用QR code落單 好方便～ 先嚟兩杯跟餐飲品 草莓番石榴乳酸梳打首先見到飲品類有番石榴已經好想試🤩 杯飲品一嚟到顏色好靚 本身仲以為會好酸 士多啤梨同埋番石榴又好夾 加埋乳酸梳打 飲落酸酸甜甜好開胃😋 凍青檸梳打食泰國嘢必飲嘅青檸梳打 飲落好清新 好適合依家已經開始熱嘅天氣😇 汁燒澳洲Prime Grade安格斯牛小排飯 $106呢個真係大推👍🏻 淨係一上枱嘅時候見到啲牛已經心心眼😍 油脂分布平均 食落有牛味 燒得啱啱好 完全唔會柴 再加埋佢獨有嘅燒汁 真係好夾好好味😋 重點係有好多塊 同埋食食吓發現中間原來收埋咗一隻溫泉蛋🫢 撈埋一齊食真係冇得彈👍🏻 套餐仲可以選配小食 咁就揀左冬蔭功湯 酸酸辣辣單骨雞翼 係香茅味 炸得酥脆甘香 好滋味日式炸帶子 炸得香脆唔油膩 冬蔭功海鮮蜆金邊粉 $100金邊粉配冬陰功湯底已經覺得好出色 一上枱勁香 即刻飲咗兩啖湯 好好味😋 海鮮方面有青口、鮮蝦、仲有好多隻蜆 全部都啖啖肉 特別一提 鮮蝦爽口彈牙 好出色👍🏻 呢個餐加配嘅小食 就揀咗蟹籽沙律 青瓜蟹棒蟹籽沙律 好清新泰國炸蝦餅 滿滿蝦肉 炸得彈牙唔油膩牛乳炸脆奶 甜甜嘅牛奶好食😋 整體嚟講 呢間 滿屋定食 環境舒適 店員服務態度好 食物質素不錯 估唔到粉嶺都有咁高質嘅牛 一定會再嚟食😇
continue reading
之前一直都好中意去太和一間泰式小店，全因佢價錢吸引，食物選擇多，而且份量大，套餐包主菜、3款前菜、冬陰功湯、2款小食、餐飲都唔過一百，可惜一年前執左😫估唔到喺粉嶺開左一間同佢類似嘅餐廳😯。星期日下午一點左右到達，好好彩唔駛等位就入得，無耐就見到門口有人等位。海南雞飯拼冬陰功魚蛋河$105細食嘅兩個人點呢個餐就啱啱好!!🤓黃飯份量好多，而且好有雞湯味，飯粒唔會好濕，長條型嘅米飯好好味!! 🤤海南雞好滑有啫喱又無腥味，而且去哂骨，啱哂唔中意啃骨頭嘅我😋至於個湯粉就正正常常，魚蛋偏軟，唔係我中意嘅潮州彈牙魚蛋；河粉較幼身而且好滑，但淋得制，一夾就斷；個湯底同跟餐個冬陰功湯一樣，有椰香味偏酸唔會好辣。汁燒安格斯牛小排飯$105濃牛味嘅牛小排大概有6塊，肉質又唔會好鞋，好好味!!😋 另外有一隻溫泉蛋，蛋香一般；略嫌醬汁唔夠，個飯底無汁香。每個定食都跟一個湯、兩款小食同熱飲，小食揀左南瓜脆薯餅、炸蝦餅、炸雞軟骨、泰式魚餅。南瓜餅外脆內粉無得輸、蝦餅好扁無咬口、雞軟骨新鮮炸出、魚餅偏硬重香料味。小店無加一，兩個定食加$6一杯凍飲共$216，值得注意餐廳只收現金。
continue reading
平時住上水嘅我哋都會不時喺粉嶺覓食呢一間主打日式同泰式嘅fusion 餐廳就係第一次食Menu嘅種類多到不得了完全唔知從何入手最後我哋樣樣都叫少少但真係要留意個份量，因為真係好多😂😂泰式海鮮沙律味道偏辣啱晒鍾意食正宗泰國嘢嘅人海鮮都幾新鮮同埋海鮮嘅份量都好多炒嘅生菜包味道非常之唔錯上菜嘅時候，佢仲有用啲冰凍住啲生菜保持佢嘅新鮮非常之有心機和風蟹籽沙律作為一個開胃嘅小菜都唔錯青瓜好清新同好爽口巨人燒雞肉串同燒牛肉串油脂比例都唔錯配埋調味好惹味我哋再叫咗兩個煮食，分別係黃咖哩牛坑腩飯拼香葉肉碎船河，仲可以揀多1個湯同2個小食呢個我就揀左冬蔭功湯，南瓜脆薯餅同鹽酥雞個份量真係大到嚇死人二另一個就叫咗燒牛扒甲拋丼，都係揀咗冬蔭功湯小食就揀咗木耳帶子裙邊同泰國炸蝦餅主食嘅發揮都相當唔錯，份量大得來味道唔錯加上佢嘅肉類份量都好多同埋佢嘅汁都係非常之惹味同埋要值得一讚嘅係佢嘅上菜速度真係非常之快落咗order 15分鐘內已經上晒所有嘢地道斑斕椰特飲同泰國凍青檸梳打都好還原到泰式口味，同時間亦都唔會有過甜嘅情況出現
continue reading
喺聯和墟覓食 spot到呢間裝修似日式小店門口已經見到佢有好多款唔同嘅野食日、越、泰、星都有同屋企人嗌咗三款唔同嘅定食有湯有主食 仲可以揀兩款小食豬仔髀份量好多好腍雞軟骨大推！咖喱牛腩係最有驚喜！😛咖喱好入味，我好鍾意食😂😂啲牛腩都好腍，接近入口即溶海南雞飯就正常發揮個油飯睇落好開胃👀三個餐都係介乎80-90蚊之間 包一杯嘢飲Better than my expectation!不過店舖格局比較細可能坐得迫少少當日lunch時間都好多人嚟食值得黎試
continue reading
You may be interested in