木玥巷

Open Now

Now Closed

元朗店由岩岩開張果陣已經有食，第一次食鹵肉飯覺得好好食，好有心做，價錢比其他貴少少但值得，一直都有keep住幫襯，每個月都會食但最近幾次食，個鹵肉飯已經變到好普通，未去到難食但感覺好hea，岩岩食左牛肉麵，已經係難食水平，以前食個牛肉係好淋好滑，岩岩食果個鞋到食唔到，唔知係轉左老細定換左廚定換左供應商，食埋今次唔會再食，好失望建議大家考慮清楚先去，真係比以前難食左好多好多，好可惜元朗少左一間飯堂..

木玥巷一直係我同老婆喜愛嘅餐廳，間唔中就會幫襯。最近一次去食，發覺食物質素大不如前，冇左贈送嘅蜜糖合桃，最出名嘅安格斯滷肉飯得返少量肉絲，想叫碟菜食，發現冇左以前食開嘅水蓮，睇menu亦好似冇左好好食嘅黑醋骨。晚市兩個人叫左一碗安格斯滷肉飯一碟娃娃菜一個小食，冇叫飲品，埋單超過$300。我地兩個都已經覺得奇怪，以前嘅木玥巷根本唔係咁樣，以現在嘅食物質素同價錢，性價比極低。聽聞木玥巷已轉手，相信是真的。冇下次了👋👋

作為一個熱愛台灣小吃的食客,我經常光顧本地的一間台灣小食店。然而,最近數次造訪卻讓我大失所望。最令我失望的是他們的鹽酥雞。這向來是這家店的招牌菜式,但這次卻大失水準。雞肉完全失去應有的鮮嫩脆酥口感,取而代之的是一種沒有生氣的軟綿感，仲有浸雪藏味。我心想,就算在家自己炸,也能做出比這更好吃的鹽酥雞。我不禁要問,這間我多年來支持的台灣小食店,究竟發生了什麼?是老闆忽視了質素管控,還是店內人手不足,導致製作工藝大不如前?無論原因為何,這樣的下滑都讓我感到相當失望。

成間舖頭裝修都係木係設計，喺門口嗰陣時其實睇唔出係台灣餐廳，可以自己掃碼落order，比較方便我比較鍾意，台灣餐廳唔係食滷肉飯就係食牛肉麵㗎啦，dinner套餐牛肉麵有埋一條台灣腸一個滷蛋，湯底濃味會大有少少藥材味，牛肉炆得好冧，但係個面就煮得比較硬咗啲，唔卦汁，台灣腸，如果可以加埋個大蒜就好啦。

餐廳位於元朗富來花園地下, 環境簡約、採用木系設計, 以地道台式料理及台式飲品為主✨自行掃ǫʀ下單、非常方便, 有系統完全沒有漏單情況, 值得一讚👍🏻我們點了晚市套餐 黯然銷魂安格斯滷肉飯🍳 配太陽蛋、花枝丸兩粒滷肉飯軟嫩、安格斯牛味濃郁, 口感甜中帶點鹹, 送飯一流, 套餐還有涼伴青瓜, 花枝丸香脆彈牙, 必點推介😍木玥招牌牛肉麵🍜 配台灣腸一條、滷蛋牛肉麵是台牛肉麵經典之一, 湯底味道濃厚, 建議先品嘗一下台灣風味的湯底, 牛腱肉肉質燜得軟滑、台灣香腸非常香口小食鹽酥雞🐔 份量很多, 建議sʜᴀʀᴇ食, 鹽酥雞香氣四溢、鮮嫩多汁, 雞胸肉完全不乾也不鹹, 非常滋味👍🏻飲品黑糖珍珠鮮奶紅茶🧋茶味濃夠香滑, 飲後口裏還有茶味的清香木玥招牌水果茶（西柚） 大大杯清爽解膩西柚味水果茶、開胃解渴小店用心製作、非常足料, 服務員非常細心, 價錢非常親民、ᴄᴘ值高, 晚市時段坐無虛席、值得再回顧💕

我比較喜歡吃台式料理😍午餐時間，和同事來這裡吃。同事叫了一個鹽酥雞飯，我叫了台式牛肉麵。食物賣相非常吸引，牛肉淋身入味，麵質爽口彈牙，也會配一點點酸菜，我也叫了一個特飲👍🏻也試吃了同事叫的鹽酥雞麵，非常鬆脆，肉質嫩滑多汁👍🏻環境方面，二人可以坐近落地玻璃窗的高腳枱椅，如果想坐得舒服一點，也可以選擇另一邊的桌椅。店舖不算很大，應該可以坐20人，一點前到相對，不用太多等位。餐廳食物價錢合理，質素不錯，值得推介👍🏻

黎到朗屏呢面真係唔知食乜野 見到一間好大既店岩岩開門 好就入去食下，門面裝修係幾靚同附近既店比 呢間殺哂 門口又近車位可以睇車，呢個係賣點😅，入到去 職員都正正常常 冇乜惡劣態度 係冇乜表情 ，叫左兩個麵一個係招牌牛肉麵喇，一個係麻辣鴨血麵，味道牛肉麵係正常既，湯底好似冇出面既咁濃，但呢樣野真係見人見志，我比較鍾意濃湯，岩岩好接受到既 份量呢都算大，麻辣鴨血就好普通有小小似即食果d麻辣鴨血杯麵，但都係正常既。 份量大到食唔哂。有冇下次 就未必了 因為價錢唔平

嚟到元朗飲冠軍啡之外，都可以試呢間我覺得唔錯嘅台灣餐廳。紅燒牛肉麵 $79有三大塊嘅厚切牛腱，淋得嚟肉質有少少咬口，好食。都幾大碗麵，湯底清甜唔過咸，蘿蔔同白菜都好入味，吸收哂湯底嘅精華🤌🏼 加埋配菜就presentation加分。鹽酥雞麵 $68即叫即整㗎鹽酥雞，大大舊，份量唔少。睇倒有埋九層塔都知有誠意。皮脆肉嫩又多汁，唔錯唔錯。個粗麵好食，但個湯就無乜味，同碗紅燒牛肉麵完全比下去。會唔會用返紅燒牛肉麵個湯底會好啲？朗屏地鐵站行過嚟都幾近幾方便，一落樓梯就會見倒舖頭。

這間店非常奇怪，因為無端端內部枱凳擺設唔同咗，餐牌又有啲唔同咗。之前係手機點餐又冇咗。餐牌上的食物好似好相似，但係又好明顯唔同咗。之前的鹽酥雞很好味，我和先生都很喜歡吃，都是一嚿大大的雞塊、又脆又乾身，但係雞塊好Juicy。現在變成小的雞塊，明顯地冇以前那麼脆，而且職員態度惡劣。根本趕客。9:30未到已掃晒地、客人都未走就掃地，衛生知識欠佳。以前的水果茶和各類飲品也沒有了、變成罐裝飲品。所以我認為這間舖頭已今非昔比，唔使去了。

其實用餐時間90分鐘 過時可以直接講 我諗冇乜邊個客會無理取鬧唔肯走嘅不過餐廳今次用新方式 去到差唔多時候 ～21:30？我諗真係阻到佢哋收工掛 餐廳負責人當啲客冇到 突然大叫 （聽唔清楚佢叫啲乜）嚇到啲客靜曬 唔知係故意定點 不過如果係無意 都應該同啲客講聲唔好意思掛不過佢哋冇 嚇到啲客當場走曬人 一枱都冇淨 仲要比加一服務費😞

服務態度幾好，雖然外場只有一個服務員。場內油煙味幾重。💟核桃自家製的核桃味道不錯，少甜香脆，份量也夠💟蟹肉金絲炒新竹米粉蟹肉量少，但米粉炒得好食；米粉勁幼，炒得乾身。💟鹽酥雞大粒鹽酥雞，炸得酥脆，雞皮炸到豬皮咁乾身脆口；調味稍稍少左啲胡椒鹽。醬酒為柚子調味醬，味道清新，整體食落去感覺幾新鮮。💟宜蘭三星蔥餡餅應該是現成的餡餅，上枱都未煎熱，後來換過一碟就好，就普通現成餡餅的味道。💟澎湖花枝蝦排外層用上麵包糠做炸皮，比較薄身。

·黯然銷魂安格斯滷肉飯 $88超級足料嘅滷肉飯🤤 同平時香港食到嘅有啲分別，係切得比較大粒嘅滷肉，因為係用牛肉，口感方面相對煙韌又幾得意🤣 另外，估唔到台式滷肉飯配上太陽蛋又意外地幾夾，不過都係想要傳統滷水蛋多啲🫢·蟹肉金絲炒新竹米粉 $106個樣好似星洲炒米，男朋友話味道似佢細個阿媽整嘅炒米粉，好正咁喎🤣 但係有個缺點就炒得唔夠平均，有幾啖鹹啲，有幾啖就冇味🤔·鹽酥雞 $62炸得十分香脆之餘入面亦保持到肉汁，味道都唔錯👍🏻位置都方便，出咗朗屏站沿住天橋行，一落樓梯就係佢喇😉👍🏻

📍木玥巷🇭🇰 元朗媽橫路9號富來花園地下17-18號舖bookmark咗好耐嘅台灣菜～就咁睇就係做街坊生意 勁多一家大細嚟食2點左右去到都排左20分鐘*星期六、日及公眾假期要加一*佢食物嘅味道偏清！有健康嘅感覺😋 紅燒牛肉麵 $79好食！個湯好清甜 有藥膳味個蘿蔔大舊又甜 好正😋 濃豆乳擔擔麵 $72呢個好特別 好少試豆乳湯底出奇地夾！如果多啲花生麻味就好😋 蟹肉金絲炒新竹米粉 $98好入味 好多蟹肉碎 米粉唔會太乾😋 流心芋泥球 $36第一次食流心嘅芋泥球！好正

第一次食，覺得應該唔會再去食。1. 上菜時間：平日晚飯時間19:30-20:00，本身都係話多人到要等位，大概等咗25-30分鐘先上第一道菜。2. 味道：完全唔似台灣菜，無台灣菜嘅味道，例如鹽酥雞都係似淋咗濕濕地嘅炸雞；調味好重手，太鹹，鹽到係咁飲水。3. 食物選擇：同openrice上面影出嚟嘅菜式唔太相同，例如飲品只係得罐裝飲品，無一啲台式飲品。4. 服務質素&衛生狀況：作為小店嚟講，其實本身都唔會太要求啲咩服務，但覺得收得加一服務費，而無咩服務提供就唔太好，例如一入到去坐低，水都無俾過，最後只係自己拎隔離枱嘅水樽，到之後食到好鹹，想加水都等咗好耐先加到，但其實佢有個位放咗好多有水嘅水樽係到，但店主剩係掛住執枱先，講個時已經截咗單。到後來再次問佢加水嘅時候，佢就將之前啲客人用完嘅水樽啲水倒翻滿一個水樽度拎俾我哋，個人認為唔太衛生。整體嚟講，都同期望有所出入。

$87連加一，但係水都冇杯，牙簽要問佢拎，埋單要自己行出去，咁加咩一呢？普通茶餐廳服務都好過佢其他環境ok，枱面乾淨，湯冇味，牛𦟌腍，蘿蔔甜，整體黎講唔值300個笑哈哈，$87黎講有更好選擇