Video
Read full review
2023-11-18
1939 views
2年前曾經去過觀塘食一間台灣野，當時一試難忘但因為好少落觀塘所以無乜機會再食，今日久違咁落到嚟觀塘梗係毫不猶豫衝去再試🤤。紅燒牛肉麵 $70望落好足料嘅牛肉麵，麵底用上刀削麵，配菜有蘿蔔同娃娃菜加上厚切又大塊嘅牛肉，味道方面刀削麵食落彈牙軟硬度啱啱好，麵身有好好吸收惹味湯汁，牛肉雖然厚切但咬落非常之軟腍多汁，而最正嘅就係個湯底，香濃又惹味，整體嚟講好出色👍🏻。牛三寶麵(轉新竹米粉) $85另一款就叫咗由牛腱肉、牛筋同牛肋條組成嘅三寶配上新竹米粉，湯底同樣香濃惹味，米粉食落幼滑爽口，吸收湯汁方面比刀削麵更出色，牛三寶方面最鍾意就係佢嘅牛筋，食落軟腍嫩滑又掛汁，非常美味😋。炸鹽酥雞 $48炸到外層爽脆又唔會太厚粉嘅鹽酥雞，而且入面嘅雞肉口感都保持到嫩滑，口味重嘅朋友仲可以用佢哋嘅鹽酥粉、辣椒油同梅子粉調配自己好口味。蚵仔煎 $42用蚵仔、薯粉、生菜同蛋煎製而成、食落香脆可口帶有蚵仔嘅鮮甜味，秘製醬汁亦非常出色。凍黑糖珍珠奶茶 $26加埋黑糖甜到入心嘅珍奶，珍珠十分之彈牙煙韌，而且食得出珍珠本身都有淡淡嘅甜味，最緊要係夠晒大杯。凍鳳梨紅茶 $30另一款鳳梨紅茶一樣好飲，茶底味道算幾香，鳳梨味
紅燒牛肉麵 $70
望落好足料嘅牛肉麵，麵底用上刀削麵，配菜有蘿蔔同娃娃菜加上厚切又大塊嘅牛肉，味道方面刀削麵食落彈牙軟硬度啱啱好，麵身有好好吸收惹味湯汁，牛肉雖然厚切但咬落非常之軟腍多汁，而最正嘅就係個湯底，香濃又惹味，整體嚟講好出色👍🏻。
牛三寶麵(轉新竹米粉) $85
另一款就叫咗由牛腱肉、牛筋同牛肋條組成嘅三寶配上新竹米粉，湯底同樣香濃惹味，米粉食落幼滑爽口，吸收湯汁方面比刀削麵更出色，牛三寶方面最鍾意就係佢嘅牛筋，食落軟腍嫩滑又掛汁，非常美味😋。
炸鹽酥雞 $48
炸到外層爽脆又唔會太厚粉嘅鹽酥雞，而且入面嘅雞肉口感都保持到嫩滑，口味重嘅朋友仲可以用佢哋嘅鹽酥粉、辣椒油同梅子粉調配自己好口味。
蚵仔煎 $42
用蚵仔、薯粉、生菜同蛋煎製而成、食落香脆可口帶有蚵仔嘅鮮甜味，秘製醬汁亦非常出色。
凍黑糖珍珠奶茶 $26
加埋黑糖甜到入心嘅珍奶，珍珠十分之彈牙煙韌，而且食得出珍珠本身都有淡淡嘅甜味，最緊要係夠晒大杯。
凍鳳梨紅茶 $30
另一款鳳梨紅茶一樣好飲，茶底味道算幾香，鳳梨味亦夠香濃，鍾意清新香甜口味嘅啱晒。
24 views
0 likes
0 comments
Post
