Video
Read full review
2021-04-05
866 views
觀塘工廈多嘢行多嘢食已經係人所共知啦，日月堂個名亦早有耳聞，今日終於有機會試一試🥰🥰🥰今日突登出去TheWave行窮L市集，係正隔離嗰棟就係日月堂所在嘅工廈，一早就滿心期待！搭lift噤4字，一上到就見到佢工業風裝修嘅門面，等位時可以睇吓貼滿牆嘅文宣，或者拎張點餐紙剔住先。等位大概十分鐘，入面地方都大而且換枱算快，所以條隊長都唔會要等好耐。好快就上咗兩杯嘢飲，等即製食物嘅同時試吓杯嘢先！凍蜂蜜紅茶飲落消暑，陣陣蜂蜜香嘅清甜，唔會死甜，舒服😌熱茉香奶綠走甜，只剩奶同綠茶相撞嘅味道，順滑且茉香味都好重，有花香唔錯👍🏻飲品雖然係跟餐好平，但好大杯，同出面茶飲店差唔多size，所以全部用外賣杯上，方便大家未飲曬拎住走👍🏻食物嚟到賣相都幾好，用托盤上又加咗分🤗炸排骨係鹽酥炸法，肉質係有咬口未至於超嫩嗰種。而起司雞排就係半煎炸雞排做法，肉質嫩滑，加咗起司嘅咸味撈飯一流！其中一份個台灣麵，我揀轉咗冬粉，係透明扁身嘅粉，碗麵有啲炸蒜同幾條菜，湯底係普通上湯，碗粉咬口好好，就咁食都唔錯👍🏻口痕食埋個蛋餅，仲要又係起司哈哈，雖然最後食到超飽，但好彩有叫到！真係好好食，層次豐富每啖都食到曬所有料，而且啲料簡
今日突登出去TheWave行窮L市集，係正隔離嗰棟就係日月堂所在嘅工廈，一早就滿心期待！
搭lift噤4字，一上到就見到佢工業風裝修嘅門面，等位時可以睇吓貼滿牆嘅文宣，或者拎張點餐紙剔住先。等位大概十分鐘，入面地方都大而且換枱算快，所以條隊長都唔會要等好耐。
好快就上咗兩杯嘢飲，等即製食物嘅同時試吓杯嘢先！
凍蜂蜜紅茶飲落消暑，陣陣蜂蜜香嘅清甜，唔會死甜，舒服😌
熱茉香奶綠走甜，只剩奶同綠茶相撞嘅味道，順滑且茉香味都好重，有花香唔錯👍🏻
飲品雖然係跟餐好平，但好大杯，同出面茶飲店差唔多size，所以全部用外賣杯上，方便大家未飲曬拎住走👍🏻
食物嚟到賣相都幾好，用托盤上又加咗分🤗炸排骨係鹽酥炸法，肉質係有咬口未至於超嫩嗰種。
而起司雞排就係半煎炸雞排做法，肉質嫩滑，加咗起司嘅咸味撈飯一流！
其中一份個台灣麵，我揀轉咗冬粉，係透明扁身嘅粉，碗麵有啲炸蒜同幾條菜，湯底係普通上湯，碗粉咬口好好，就咁食都唔錯👍🏻
口痕食埋個蛋餅，仲要又係起司哈哈，雖然最後食到超飽，但好彩有叫到！真係好好食，層次豐富每啖都食到曬所有料，而且啲料簡單得嚟係絕配，味道一流🔥🔥🔥
起司雞排便當
18 views
0 likes
0 comments
玉米起司蛋捲餅
15 views
0 likes
0 comments
炸排骨冬粉
15 views
0 likes
0 comments
茉香奶綠
9 views
0 likes
0 comments
蜂蜜紅茶
7 views
0 likes
0 comments
Post
