下町天丼 秋光 (已結業)

天婦羅丼可以話係我最愛日本菜的頭三位，比起就咁食，配埋飯的確係不同風味，呢間主打真。日本人製作的天丼想試很久，到底有咩乾坤？答案係：有點失望。天婦羅炸得係有到位，外面係脆身都唔算太厚，但問題在於食材，隻蝦無蝦味啲肉又太實，感覺得不新鮮，南瓜唔知係咪唔當造唔甜既，唯一條露荀幾鮮甜⋯同埋點解有苦瓜，就算係每日用最新鮮的蔬菜都好，如果講明會好啲，唔係人人食既。朋友指個汁太多好咸，但我覺得ok啦因為我中意食多汁飯，不過一次就夠，百幾蚊一個丼真係唔值，燒唔到我再黎第二次。