見字即走，千其唔好去呀!!!!!餐廳係一間酒吧，午市都會有多國菜供應，當天去就坐無虛席，但所有食物調味難食到咸出黎，最後食到唔想再食，餓住走... - 卡邦尼意大利粉 HK$78 大師之作!!卡邦尼汁既唔係蛋汁加芝士，亦都唔係香甜忌廉汁。係白汁加左好多味精同胡椒的奇怪醬汁...一入口即該想嘔，仲要煙肉D油浮晒係白汁面，成件事好痴線.... - 蒜茸汁美式什扒飯 HK$68 3個人都食到嘴都歪埋!!除左每塊扒同腸都好咸之外，連個汁都好咸，所有人都到唔想食... 調味仲衰過即食叮叮食品🤢🤢🤢

買左2個餐加2份燒賣,但只畀1套餐具,叫佢畀多1套,竟然問番我點解?我話買左幾樣野但只有1套餐具,佢即時糾正我話:「嚴格黎講你只買左2個餐,燒賣唔係餐,所以燒賣唔會畀餐具你。」咁你明知我買左2個餐,加上我地3個人黎，點解只畀一套呢?佢最後以施捨既口吻話:「嗱，我最多只可以畀多1套你。」但我由頭到尾都只係想要番該有既餐具數。 $58一個漢堡包,唔包飲品,外賣加$2,即一個包要$60。飲品額外加左$5,但外賣又再加$2,即外賣加野飲要$7。大家睇下個包值唔值$60。（太肚餓食到一半先記得影，但都係有一片番茄，幾片生菜，一個漢堡，完。）

本身朋友生日諗住book呢間韓國餐廳慶祝， 見到OpenRice好多好評以為應該質素唔錯，但點知發現原來係一個大伏🫠🫠😵😵 一去到其實個店面唔係好大得幾張枱，坐滿人既話其實都小迫。因為我哋都唔食辣同埋熱氣嘢，所以就叫咗三樣嘢： 1. 牛肋骨湯 2. 原味韓式飯卷 3. 炒粉絲 首先呢個細嘅牛肋骨湯盛惠$188 ，從來未試過食牛肋骨湯係冇牛肋骨食，成碗湯只係得幾片薄牛肉加肉碎，而且食得出唔係用牛肋骨去熬湯出嚟，一入口已經覺得係一碗味精湯收得咁嘅價錢連一塊完整嘅牛肋骨都冇，會唔會有少少過分？ 之後係呢個炒粉絲，一上嚟見到個份量呆咗，成碗炒粉絲嘅份量真係勁少，而且啲粉絲係腍bet bet仲要勁鹹，$148咁細碟嘅粉絲真係好唔抵。 至於個韓式飯卷，價錢就正常， 但係一啲都唔好味。一路同朋友傾偈一路夾起舊飯卷，未擺到入口個飯卷已經散咗跌晒落隻碗度。。。 總結而言，大家千祈唔好因為見到有成千五個好評而覺得呢一間係一間好正嘅韓國餐廳，試過就知係一個大伏！絕對冇下次同唔會推介俾身邊朋友！其實貴唔貴都唔係一個問題，重點係質量要配得上價錢，但呢間好明顯就係價錢同食物質素份量不符。

由於西營盤實在沒幾間啱食的早餐(唔計快餐店)，所以一個月也有幾日來這裏食早餐。本來無打算為這打住「懷舊」、「香港情」的「冰室」寫食評，但今日的經歷實在是不吐不快。 星期日早上，印單時間是8:56，等到同枱2位都食完麵餐，並在催單後才在9:18遞上烘燶麵包的「芝士咸牛肉炒滑蛋脆豬包」。 切開個包，餡料中夾雜着黑色一點點，以為是黑椒，卻是鑊燶。 其實我食緊嗰陣已經有人在外面等位，只可惜我份餐太遲先上，搞到阻住張枱交唔返出嚟，(仲可能俾人誤會我哋食完都唔走霸住張枱)後尾嗰幾個人無等到位就走了。Sorry啊我真係無心㗎，如果唔係等嘢食等咁耐我一定唔會佔住張枱。 是時候另覓一個早餐地點了。

3個人食飯，因為屋企人腰痛，坐個陣見到有個單丁客坐左個4人卡位，佢已經食完，響個位到snapshot, 想同待應阿姐問下可唔可以幫我地同個邊調一調位，個阿姐好大聲咁話：唔可以啊！我地呢度係唔會幫客咁做架！ 我心度諗，唔換咪唔換，駛唔駛咁大聲夾惡。 我地坐低叫左3個麵加蝦多士，3杯野飲，買單411，但最令我不滿既就係佢上左碟牛筋腩撈，個辣汁不哂落d菜心度！係全部辣汁擺哂落菜心度！我就叫個侍應阿姐來，話點解你d辣汁不哂落菜心度，叫人點食呢？佢竟然話佢地撈麵加辣就會落辣汁，全部都有架，唔係只係菜，我就話你自己睇，牛腩，牛筋，同d麵係一滴辣汁都冇，你淨係不左d辣汁落去d菜心度，叫人點食呢？ 最後我叫佢俾番兩條菜我，佢先死死地氣換俾我，經過今次，唔會再來呢間，劣質服務！幾好食都冇用！香港就係俾你地d劣質服務搞wrong哂！

疫情佢做外賣，意外試過一次之後覺得好好食！就成日幫襯食夾餅。自從出左名爆紅之後，等要等45分鐘至兩個鐘不等！ 退步同唔再值得排隊食咯！打開聞到燶味，剪左佢淨低細細件….有圖有真相。各位自己衡量

紅日放假圍方多人， 見到有呢間拉麵入去試下，初頭見到open rice 得一個食評，見到仲要係負評都驚中伏，但呀女話想試就入去試吓，結果唔差喎！叫左兩個麵，一個辣一個唔辣，我叫嗰個係有芫荽味噌豬骨湯，係辣嘅。老公叫咗個唔辣，但我覺得辣既好食好多！ 重點係，佢加$20可以要多個面底，初頭我問個男侍應可唔可以另外上個麵俾我，因為我想俾個女食，同埋我都幾多嘢問，又問佢牛骨同豬骨有咩分別，問佢呢樣果樣... 結果佢一一都好好態度，好有耐性咁答我每一個問題，仲有笑容添，值得一讚嘅男侍應。 食完想幫呢間野平反一下，所以突登寫下評價，其實都值得一試，味道同服務都不錯。

𓆱 𓆱 將軍澳坑口的Fika在區內算是有口碑的西餐cafe。位於坑口村屋裡面，如果不是地膽朋友帶路，這次都試不到這家隱世小店。 𓈍 Fika卡邦尼意粉 $168 必點招牌菜式。這裡的卡邦尼汁咸香非常，用豬油渣取代煙肉，吃起來更香口但不死鹹。的確很特別，難怪是招牌菜。 𓈍水牛芝士番茄沙律$128 水牛芝士配番茄，既咸香又不膩，本已是開胃的前菜。再加上青蘋果爆味，味道很清新。 𓈍黑松露野菌pizza $188 非常大量的野菌！香氣馥郁，再加上拉絲芝士，非常惹味。餅底算是薄脆那種，吃起來不厚膩。 店子走悠閑慢活cafe路線，與「Fika」瑞典名字相呼應。相信白天氛圍應該更chill，下次週末來試試brunch。 𓆱 𓆱 📸pls follow my IG: manman.hygge

Celebrating birthday with friends The restaurant’s location is easily accessible, which is very close to the MTR station. The restaurant is cozy, hygienic and well furnished. The service was excellent with the staff being very friendly and helpful. A good choice for event celebration We ordered 3 lunch sets 1. Premium Shabu Shabu served with Kurobuta pork and US prime The meat was fresh, tender and juicy The rich snapper soup was delicious 2. Assorted Tempura served with rice The tempura were well garnished and crispy 3. Grilled Eel served with rice The eel was fresh and scrumptious

我相信好多人講起沙嗲王一定唔陌生，係好出名嘅連鎖店之一。同埋講起沙嗲王，第一個時間你會諗起啲咩？我會諗起白咖喱香茅豬扒飯，今日一起身就諗起佢，好耐冇食過，好彩附近有一間沙嗲王。 同以往嘅味道差唔多，有大量嘅汁俾你與白飯攪勻，食起上來好開胃，對女生應該份量十足，大食男就要加飯了。 味道：3/5 賣相 ：3/5 環境：2/5 服務：4/5 ★® 價位- $：3/5

今晚去咗牛氣打邊爐，一行5人，揀咗人氣Lv4 set: 澳洲穀飼黑安格斯牛+SRF美國極黑牛放題＋海鮮放題。加多$10 兩種鴛鴦窩，湯底揀咗蕃茄湯 + 豬骨湯 。牛肉同蕃茄湯真係好絕配！ 任食嘅份量好抵食，啲牛又唔差，我比較鍾意食美國肩胛肉眼，脂肪比例高啲，林啲 。 有啲人話豬好食過牛，我就覺得啲豬無乜脂肪所以偏鞋口，都係牛好食啲 。 海鮮方面都唔差，尤其啲海蝦、無霉到！青口、帆立貝都新鮮 。其他魚肚、魷魚、墨魚滑就正常 。 出面仲有自助bar放題，啲菜都幾好味，夠fresh，唔係又老又黃個啲 。仲有丸、響鈴、唔同種類嘅麵、人參湯、豆卜；甜品有雪糕、布甸等等 。飲品都有好多選擇 。 整體黎講，呢個套餐嘅CP值好高， 人均$385，食到勁飽 。

帶左阿仔去高山劇場比賽，要搵個地方hea下，行下行下就去呢間茶仔～ 坐低左，見過左11點仲有早餐都幾貼心，但再望一望google得2.9分就心知不妙～ 叫左兩個早餐，一個叉燒意粉，一個沙嗲牛通～ 先講講個叉燒意，同張相差唔多，啲湯冇咩味道，意粉好淋～ 沙嗲牛叫好少少，牛肉味道正常，但螺絲粉都係好淋～ 最好食係炒蛋、腸仔、煙肉同多士，茶餐廳水準👍🏻👍🏻 凍飲加$3，盛惠每人$39～整體做不過不失，但應該冇下次lu～

初一日跟母親來了這裡吃素菜, 一進入餐廳第一感覺覺得有點像<就是偏偏喜歡你>, 當然這邊沒有被一堆花包圍, 也沒有獨角獸公仔, 可能顏色跟格調類同 😅 窗邊有點燈飾, 整體環境蠻不錯的, 而且我與母親兩個人坐在一張非常寬敞的坐位上, 非常舒適 🤭 傳統和風薑蓉白冷麵 $88
上碟時後面枱的客人都掉頭說“很美很精緻呀”, 的確這個和風擺盤單是外表已經滿分 😁 麵的口感有點像米粉, 再Q彈一點就更好。雖然有不同顏色, 但味道沒有太大分別。我們把wasabi跟薑蓉都倒進和風醬汁裡, 醬汁加了味醂, 所以甜味之餘又有wasabi味, 旁邊還有兩粒車厘茄, 都是超甜 ☺️日式半煎炸餃子 $48
剛剛煎好的炸餃子, 熱騰騰是必然, 外皮並不厚, 半煎炸所以微脆, 呈金黃色, 不油膩 👍🏻 餡料有粉絲, 蘿蔔絲, 菇, 還有一些相對爽口的食材, 雖然沒有肉但一樣美味。香芒天婦羅炸豆腐 $88
豆腐外面薄薄一陣皮, 豆腐很滑, 外脆內軟, 加上新鮮的芒果醬汁, 酸甜清新, 完全零油膩感 🤗 廚房還額外給客人多一碟芒果醬汁, 不過個人覺得已經十分足夠, 再添加反而多了 🙂甜梅菜肉餅飯 $98
非常有驚喜的一個菜餚!! 像真度100%, 就是真梅菜肉餅!!! 🤩 廚師用了多種不同種類的豬肉齋切碎整成, 特登用多款唔同豬肉齋混埋一齊就係希望可以整到個口感同真既比較相同, 廚師果然心思細密 🫶🏻 個肉餅味道岩岩好, 完全唔需要額外加豉油, 送飯一流! 😋黑松露蘿蔔糕 $48
蘿蔔糕炸得好香口, 我就覺得佢稍為炸得太多, 媽咪就唔太認同, 不過佢都係食落唔太油膩。另外配有三個醬, 包括普通甜醬, 辣醬同埋黑松露, 三款我都有試, 甜醬我最唔鍾意, 咁當然黑松露係最好, 雖然食得多會覺得有啲咸 😅 黑松露鮮磨菇忌廉湯 $78
個湯成$80, 但咁細隻碗竟然裝唔滿, 呢點有少少愕然 😮 不過個湯幾滑, 磨菇味都夠濃, 如果有磨菇粒就更加好。花生鹹蛋湯丸 $28
湯丸皮夠滑, 中間用花生鹹蛋做餡, 完全冇違和感, 仲要出乎想像地夾 😆 可能加埋鹹蛋, 所以就更加唔太甜, 鹹蛋夠晒香, 不過個湯底就唔夠薑。 而家齋菜日新月異, 款式多到同普通菜冇分別, 有好多齋菜都好食, 但推介既就未必太多, 而呢間係值得推介之一, 已經預左會下次再黎食! 😉 反正我初一十五必食齋。

吃過一次Boat Thai有點回不了去，畢竟Boat Thai的餐點表現和價位都實在令人滿意，如果不是過於追求華麗的裝潢或是連鎖品牌，Boat Thai真的是尖沙咀平民泰式料理的第一首選。開飯前先來點涼拌開胃菜，泰式鮮蝦碌柚沙律以香甜的碌柚配上大尾的鮮蝦，拌入花生、馬拉盞，根本是豪華版的泰式鮮蝦碌柚沙律，泰式鮮蝦碌柚沙律鹹鮮帶甜美，嚐上一口讓人整個胃口瞬間大開。炸得金黃、外脆內彈的泰式炸蝦餅吃起來相當有彈性，沾上酸甜的泰式甜酸醬好不美味，泰式炸蝦餅是香港人最愛的泰式小食之一，來Boat Thai吃泰國菜別錯過泰式炸蝦餅。沒有太陽蛋炒香葉肉碎飯怎麼算吃泰國菜? 這個炒香葉肉碎爆炒得超香，光是鹹鹹辣辣的滋味已令人愛不惜口，而且就是要略帶點肉汁的炒香葉肉碎淋在飯上最對味，炒香葉肉碎不辣不好吃，辣的才好吃。鳳尾蝦炒金邊粉大量蔬菜，講究營養，炒蛋亦在其中，魚露醬汁包裹在每條金邊粉上，滿滿魚鮮，甜甜又鹹鹹的味道，金邊粉柔軟且富有彈力，鳳尾蝦肉質不柴，蝦肉爽彈，咀嚼有層次，頗有咬感，擠上青檸汁吃別具風味。泰式椰子刨冰是泰國極之普遍的飲品，夏日解渴之選，泰式椰子刨冰百份百椰子原汁，綿密香甜，真的沁涼爽死。青檸梳打同是泰國必喝的傳統飲品，青檸的果酸混合爽口的梳打，入喉酸爽清涼，消暑解飽膩，幫助消化，青檸梳打好喝到還想續杯。吃飽後當然要來碗冬蔭功湯，這可是泰國最家常的湯品，加入超多菇菌和秘制香料增添香氣，一口咬下大蝦和菇菌還會噴出酸辣的湯汁，非常美味的鮮蝦湯品，整鍋都被我們喝個精光。

六小館@東涌citygate 🌟整體上飲茶嘅成個氣氛都唔錯，餐廳主要係行一個高上級嘅路線，價錢嚟講，我覺得都唔係太平，不過整體上嘅氣氛我覺得幾好。服務態度幾好，比較推薦有佢嘅麻辣水魷，作為前菜幾好食，不過加咗蒜蓉同埋辣，成件事都幾開胃。佢嘅黑松露龍蝦炒飯，都做得唔錯，每一粒炒飯到粒粒分明，不過唯一有少少挑剔嘅係龍蝦嘅份量太少，呢個價錢嚟講絕對唔係太平，$168，不過其他點心就中規中矩，唯一比較推介喺灌湯餃，腸粉同埋蝦餃都幾好食。 好食程度（5粒🌟）🌟🌟🌟🌟 抵食程度（5粒🌟）🌟🌟🌟🌟 位置 （5粒🌟）🌟🌟🌟🌟🌟 服務態度 （5粒🌟）🌟🌟🌟🌟🌟 衞生程度 （5粒🌟）🌟🌟🌟🌟