Video
Read full review
2018-02-12
249 views
天氣凍就特別想打邊爐，舊同事食過話呢間好多嘢食，呢日中午突然好想打邊爐，於是同朋友上嚟試吓先。餐廳走懷舊風，裝修佈置都充滿懷舊元素，一路播住80，90年代經典金曲，兒時記憶湧晒出嚟呀! 睇完餐牌之後，我哋揀咗十下二人精選套餐$368/位嗰款，然後加錢要龍蝦鍋，飲品我就要咗清涼爽，朋友就要咗烏龍茶。龍蝦鮑魚海鮮鍋 - 呢個鍋係蕃茄湯底，加入咗大量海鮮，有龍蝦、象拔蚌、蜆、鮑魚、帶子、翡翠螺、魷魚，啲海鮮好新鮮，肉質好彈牙，個湯底係蕃茄湯，唔會搶咗海鮮嘅鮮味，混合埋海鮮嘅精華，飲落超甜超好味，大愛!!! 龍蝦勁彈牙同多膏，好新鮮，正! 大刀手切本地牛肉 - 牛肉有肉味，厚度適中，食落唔嚡有口感。牛白胸膀油 - 呢碟係極邪惡之選，淥幾淥就食得，食落滿口牛油香，食到唔停口。十下三寶滑 - 分別有鯪魚滑、墨魚滑同牛肉滑。鯪魚滑加咗臘腸，多一份頭; 墨魚滑就加咗鹹蛋黃，多一份甘香; 牛肉滑就加咗馬蹄，多一份爽口。幾款都各有特色，唔錯! 懷舊果皮魚蛋，流心粟米丸，醬爆瀨尿牛丸，爽滑鴨血 - 魚蛋食到少少陳皮味; 粟米丸中間係粟米湯餡，幾好味; 牛丸中間係賴料蝦餡，有爆汁; 鴨血淥咗好耐，索晒湯嘅
餐廳走懷舊風，裝修佈置都充滿懷舊元素，一路播住80，90年代經典金曲，兒時記憶湧晒出嚟呀!
睇完餐牌之後，我哋揀咗十下二人精選套餐$368/位嗰款，然後加錢要龍蝦鍋，飲品我就要咗清涼爽，朋友就要咗烏龍茶。
龍蝦鮑魚海鮮鍋 - 呢個鍋係蕃茄湯底，加入咗大量海鮮，有龍蝦、象拔蚌、蜆、鮑魚、帶子、翡翠螺、魷魚，啲海鮮好新鮮，肉質好彈牙，個湯底係蕃茄湯，唔會搶咗海鮮嘅鮮味，混合埋海鮮嘅精華，飲落超甜超好味，大愛!!!
龍蝦鮑魚海鮮鍋
31 views
0 likes
0 comments
龍蝦勁彈牙同多膏，好新鮮，正!
大刀手切本地牛肉 - 牛肉有肉味，厚度適中，食落唔嚡有口感。
大刀手切本地牛肉
25 views
0 likes
0 comments
牛白胸膀油 - 呢碟係極邪惡之選，淥幾淥就食得，食落滿口牛油香，食到唔停口。
牛白胸膀油
11 views
0 likes
0 comments
十下三寶滑 - 分別有鯪魚滑、墨魚滑同牛肉滑。鯪魚滑加咗臘腸，多一份頭; 墨魚滑就加咗鹹蛋黃，多一份甘香; 牛肉滑就加咗馬蹄，多一份爽口。幾款都各有特色，唔錯!
十下三寶滑
21 views
0 likes
0 comments
懷舊果皮魚蛋，流心粟米丸，醬爆瀨尿牛丸，爽滑鴨血 - 魚蛋食到少少陳皮味; 粟米丸中間係粟米湯餡，幾好味; 牛丸中間係賴料蝦餡，有爆汁; 鴨血淥咗好耐，索晒湯嘅味道。
懷舊果皮魚蛋，流心粟米丸，醬爆瀨尿牛丸，爽滑鴨血
42 views
0 likes
0 comments
蔬菜拼盤 - 全部蔬菜都好新鮮，索晒湯底嘅鮮味更好食!
蔬菜拼盤
22 views
0 likes
0 comments
脆炸響鈴 - 呢隻響鈴比較厚身，要浸少少，吸湯一流。
脆炸響鈴
20 views
0 likes
0 comments
寬冬粉 - 呢種粉要煮耐少少變透明就食得，好煙韌，又係索湯食品，飽都要食埋佢先得。
寬冬粉
16 views
0 likes
0 comments
呢餐食完飽到上心口，樣樣食物都有啲，可以試齊多款食品，啱晒大食又多心嘅人。
Post
