Video
Read full review
2019-05-17
237 views
呢排天氣真係好熱，最岩就係打邊爐啦🙈正如冬天食雪糕，同樣都係咁正🤣.今次就黎到呢間位於銅鑼灣登龍街以懷舊為主題嘅「十下」🙆♀️.甫進餐廳，裝潢以復古格調為主，一張張大圓木枱，一個個木凳摺凳，仲有舊式杯杯碟碟紙巾筒，牆上貼上不規則嘅階磚，各式各樣嘅紅色紙燈籠🏮揮春等等，如置身於六七十年代中，像真度極高😍再配上舊式經典歌曲，懷舊氣氛濃郁呢🥰.我地揀左二人邊爐套餐，每人$288 (未加一）已經包含左一個湯底，11款配菜同兩杯飲品。.識食緊係揀鴛鴦鍋啦，一湯兩味，多層味道🙈係五種湯底入面，我地揀左係十下麻辣鍋同滋潤本瓜蕃茄鮮魚湯。.十下麻辣鍋用左十幾種香料熬煮而成麻辣辛香鍋，夠香，夠辣，夠麻👍入面仲有蜂巢豆腐同鴨血，吸盡麻辣鍋嘅精華。蜂巢豆腐吸湯力強，輕輕一啫，麻辣湯汁就流哂出黎，綿綿口感，充滿咀嚼感，而鴨血入口爽滑～.滋潤本瓜蕃茄鮮魚湯呢個湯底都吾可以睇少🤣 足足用左一條鯇魚尾去熬製，再加入本瓜，蕃茄等，湯頭鮮甜。 煲滾一陣後，店員會將魚尾撈起，跟住我地就可以食到嫩滑鮮魚肉啦😍.醬汁方面有莞茜，蒜蓉，辣椒碎，醬油，香醋，麻油，沙茶醬，麻醬同炸蔥～.大刀手切本地牛肉肉質嫩滑軟腍，肉味濃郁而富有
呢排天氣真係好熱，最岩就係打邊爐啦🙈正如冬天食雪糕，同樣都係咁正🤣
.
今次就黎到呢間位於銅鑼灣登龍街以懷舊為主題嘅「十下」🙆♀️
.
甫進餐廳，裝潢以復古格調為主，一張張大圓木枱，一個個木凳摺凳，仲有舊式杯杯碟碟紙巾筒，牆上貼上不規則嘅階磚，各式各樣嘅紅色紙燈籠🏮揮春等等，如置身於六七十年代中，像真度極高😍再配上舊式經典歌曲，懷舊氣氛濃郁呢🥰
.
我地揀左二人邊爐套餐，每人$288 (未加一）已經包含左一個湯底，11款配菜同兩杯飲品。
.
識食緊係揀鴛鴦鍋啦，一湯兩味，多層味道🙈係五種湯底入面，我地揀左係十下麻辣鍋同滋潤本瓜蕃茄鮮魚湯。
.
十下麻辣鍋
用左十幾種香料熬煮而成麻辣辛香鍋，夠香，夠辣，夠麻👍入面仲有蜂巢豆腐同鴨血，吸盡麻辣鍋嘅精華。蜂巢豆腐吸湯力強，輕輕一啫，麻辣湯汁就流哂出黎，綿綿口感，充滿咀嚼感，而鴨血入口爽滑～
.
滋潤本瓜蕃茄鮮魚湯
呢個湯底都吾可以睇少🤣 足足用左一條鯇魚尾去熬製，再加入本瓜，蕃茄等，湯頭鮮甜。 煲滾一陣後，店員會將魚尾撈起，跟住我地就可以食到嫩滑鮮魚肉啦😍
.
醬汁方面有莞茜，蒜蓉，辣椒碎，醬油，香醋，麻油，沙茶醬，麻醬同炸蔥～
.
大刀手切本地牛肉
肉質嫩滑軟腍，肉味濃郁而富有嚼勁，仲要無多餘油脂添👍
.
花雕雞嫩肉
一道落左吾少心思去醃製嘅雞嫩肉😎以花雕酒，杞子去醃製雞肉，非常入味，即使係麻辣火鍋煮熟，都掩蓋吾到淡淡嘅酒香，入口嫩滑，不錯🥰
.
十下三寶滑
大大圓姑碌嘅三寶，頂層仲有蟹籽做點綴，好吸睛呀💕三寶分別係臘腸鯪魚滑，鹹蛋黃蝦滑同馬蹄牛筋滑。打至起膠，每種入面都加左吾同配料，以增加口感，入口爽口彈牙，味道濃郁！
.
懷舊果皮魚蛋
魚蛋有好幾種，就屬呢種魚蛋，無論係口感定味道都係最出色👍煙韌度夠高，魚味濃郁帶點果皮香，吾會覺得好似食緊麵粉咁。
.
流心粟米丸。三星蔥醬爆貢丸
其實每次我都好怕食有餡嘅丸類，因為次次食都係成把口都係油😵但呢個流心丸，就真係令我眼前一亮❗️咬落係濃郁嘅粟米濃湯，好似真係食緊粟米湯咁，好正😍 而貢丸，輕輕一咬熱辣辣嘅豬肉濃汁就爆哂出黎，仲有香蔥味，重點係吾覺得有油膩感🥰
.
鳳城水餃
水餃皮薄餡多，有木耳絲，香菇片，香蝦，竹筍同豬肉。
.
爽滑鴨血
入口好柔嫩滑溜，久煮不硬😋
.
脆炸響鈴
輕輕係鍋中一涮，即可入口，即軟又脆～
.
寛冬粉
勁中意食寬粉，口感煙韌彈牙，最重要係吸湯力都係強者💪不過，如果係另一種再寬D 嘅寬粉，口感就更上一層樓啦🙈
.
蔬菜拼盤
火邊爐點會少一蔬菜呢🙆♀️拼盤有娃娃菜，粟米， 白蘿蔔，香菇同生菜～
.
竹蔗矛根 (+$15)
竹蔗矛根水又清熱又解渴💕
.
P.S.加水時店員會用雞豬魚湯😘
Post
