Video
Read full review
2015-07-20
5294 views
搬左之后第一次幫襯, 第一個感覺就係有點可惜, 以前係地舖, 出面冇遮掩, 成個尖沙咀海傍盡入眼簾,加埋夜晚的夜景真係好舒服又靚, 而家搬左上商場1樓, 窗外反而多左點樹, 遮左半個景只係望到樹頂同對面海, 高左反而冇以前咁靚。不過最重要都係食物水準依然keep 到, 點侍應的服務都好好, 只會企係遠處留意我地張枱, 俾客人好大空間之余, 要揾人又唔會等好耐, 可以好好enjoy 個晚餐, 俾人好舒服的用餐環境。Sizzlin' Blue Crab Cakes – 每次必叫的crab cakes, 唔知係咪太耐冇食, 覺得個crab cake 好似細粒左, 不過味道冇咩點變, 成個crab cake 都充滿蟹肉, 好足料, 面頭有較大塊蟹肉, 等你可以食到蟹肉的鮮, 下面個球係蟹肉絲, 雖然食唔出個sauce 有點咩, 有點似cream 的感覺, 但加左牛油所以好香, 加埋少少檸檬汁食好開胃, 個碟上面有點紅紅綠綠的拌碟都好靚, 同埋而家有個袋仔裝住半個檸檬俾我地用, cute 得來又唔怕整污漕隻手, 好貼心Ribeye – 今次叫左個16 ounce 的ribeye 俾2位男士sh
搬左之后第一次幫襯, 第一個感覺就係有點可惜, 以前係地舖, 出面冇遮掩, 成個尖沙咀海傍盡入眼簾,加埋夜晚的夜景真係好舒服又靚, 而家搬左上商場1樓, 窗外反而多左點樹, 遮左半個景只係望到樹頂同對面海, 高左反而冇以前咁靚。不過最重要都係食物水準依然keep 到, 點侍應的服務都好好, 只會企係遠處留意我地張枱, 俾客人好大空間之余, 要揾人又唔會等好耐, 可以好好enjoy 個晚餐, 俾人好舒服的用餐環境。
Sizzlin' Blue Crab Cakes – 每次必叫的crab cakes, 唔知係咪太耐冇食, 覺得個crab cake 好似細粒左, 不過味道冇咩點變, 成個crab cake 都充滿蟹肉, 好足料, 面頭有較大塊蟹肉, 等你可以食到蟹肉的鮮, 下面個球係蟹肉絲, 雖然食唔出個sauce 有點咩, 有點似cream 的感覺, 但加左牛油所以好香, 加埋少少檸檬汁食好開胃, 個碟上面有點紅紅綠綠的拌碟都好靚, 同埋而家有個袋仔裝住半個檸檬俾我地用, cute 得來又唔怕整污漕隻手, 好貼心
Sizzlin' Blue Crab Cakes
$180
92 views
0 likes
0 comments
Ribeye
$600
134 views
1 likes
0 comments
新鮮蘆筍配hollandaise –蘆筍夠粗身, 好大條, 焯熟左后加埋hollandaise一齊食, 清甜得來又冇渣, 可以中和下其他食物的油膩
Cheese Macaroni – 呢個可以話係全晚的敗筆, 因為個cheese 勁咸, 通粉又唔夠咬口, 本來因為媽媽唔舒服唔食得煎炸野怕佢餓先打算叫呢個, 但係整得勁咸, 我地每人share 少少食完都好口渴, 個廚師落得好重手
最后以Chocolate Molten Cake 作為今晚的結尾, 佢個甜品menu 我都試食左7成, 呢個cake 係咁多款甜品中我的最愛, 面頭有一大球vanilla 雪糕, 下面就係好似心太軟咁的朱古力蛋糕, 蛋糕食落暖暖地, 夠濕潤, 仲好濃朱古力味, 加埋流出來的朱古力漿一齊食, 鍾意朱古力的人一定好滿足, 不過面頭的雪糕融得好快, 想食就要快手la….一個cake 有几種唔同的texture, 口感好豐富..個cake 最好几個人share, 因為都有點甜, 食得多都會漏
Chocolate Molten Cake
$125
82 views
0 likes
0 comments
112 views
0 likes
0 comments
Post
